مطالب

عايزة اقول بحبك اكتر ..عشان انا مابقولهاش كل مرة احسها
عايزة تقولى بحبك اكتر...عشان بحب اسمعها منك
عايزاك تكلمنى اكتر..عشان بتوحشنى قوى
عايزة اعرفك اكتر ..عشان احبك اكتر
عايزة احبك اكتر....من غير سبب

عايزة اعتذرلك ..عن كل مرة اى حاجة فى العالم ضايقتك ...
عايزة اطبطب عليك بالطريقة اللى انت عايزها...
عايزة احضـنك لحد ما اموت....
عايزة اموت وانا بحضنك..

عايزة ابقى مؤمنة بجد ..عشان ندخل الجنة سوا
عايزة ماندخلش الجنة عشان هناك هتختار اى مزة تعجبك

عايزة تهتم اقل شوية بالشغل اللى مجننك ده
عايزة اكون اهم عندك من الشغل
عايزة اكون اهم عندك من الدنيا كلها
عايزة تكون اهم عندى من الدنيا كلها

اقولك حاجة
عايزاك